Veldskool
en Avontuurkamp

 "Ons sit die PRET terug in die Leerproses"

 

 

Om gratis af te laai
2012 Skool Kalender

Klik om gratis BROSJURE
af te laai

  
Bayete Avontuurskool is Suid-Afrika se voorste opleidingsentrum vir leierskapkampe, spanboukampe, avontuurkampe, Veldskool en opleiding van jeug-, kerk- en korporatiewe groepe. Verskillende programmodules word deur gekwalifiseerde fasiliteerders aangebied.

Bayete  bied 'n wonderlike veldskool-ervaring, opleiding en 'n Afrika eko-ondervinding aan elke besoeker. Gehalte opleiding, interessante programme en opwindende aktiwiteite word aangebied. Alle ouderdomsgroepe en verskillende vlakke van ontwikkeling word geakkommodeer, insluitende jeuggroepe, skole, kerke, studente en volwassenes.

Bayete is slegs 1½ tot 2 uur se reistyd vanaf enige plek in Gauteng geleë en word met die N1 bereik. Bayete  is op 'n wildsplaas in die hart van die Limpopo Bosveld geleë en aan die voetheuwels van die skone Waterberge.


Bayete kan 250 besoekers op 'n keer in drie verskillende kampe huisves. Die geriewe by Bayete is van hoë gehalte en spesifiek vir opleiding van groepe ontwikkel en sluit in slaapsale, chalets, voldoende ablusiegeriewe, 'n goed toegeruste kombuis, swembad, sportvelde, hindernisbane, wandelpaaie, rotswandklimmuur en verskeie ander. Daar is ook 'n interessante Boskamp waar groepe selfsorg kan doen. 'n Snoepwinkel is op die terrein.

Verskillende tipes kampe en opleiding word by Bayete aangebied: Avontuurkampe, veldskool, leierkampe, leier-identifiseringskampe, Graad 8 oriëntering, lewensvaardighede, spanbou, sportklinieke, prefekte/leerlingraad opleiding, natuurbewaring, ekologie, pa-seun kampe, ma-dogter kampe sowel as opleiding vir die korporatiewe sektor.



Gesonde voedsame maaltye word deur die spysenieringspan van Bayete voorberei.  Geen besoeker word by die voorbereiding van die voedsel betrek nie. Die welstand en veiligheid van elke besoeker aan Bayete is 'n hoë prioriteit en daar word met verantwoordelikheid daarna omgesien. 

Die inhoud van elke kursus/kamp se program word vooraf in oorleg met die groep en volgens hulle behoeftes beplan en opgestel.  Kursusse word in totaal deur die opgeleide fasiliteerders van Bayete aangebied.  Besoekers kan nogtans gedeeltelik of ten volle hulle eie programme aanbied.

Kursusse word ontwikkel om onder andere formele lesings, debat, spanbou, leierskap, veldverkenning, sport, ontspanning, rolvertolking en kampvuuraande en -konserte in te sluit. Die klem word ook waar nodig op omgewingsake geplaas.


Important links:

        Bird Spotter's Guides

         Bushveld Breeze Newsletter

        Kammaland Estate

        Bushveld Properties

        Traditional African music CD
       
        Home to Bushveld Directory home page